Skip navigation

0Meta Navigation

× Close search

Navigation

Асосӣ Дафтари барномаҳо дар Душанбе Фаъолияти мо
Дафтари Барномаҳои САҲА дар Душанбе

Фаъолияти мо

Фаъолияти Дафтари барномаҳои Созмони амният ва ҳамкорӣ дар Аврупо дар Душанбе номгӯи зиёди масъалаҳо, аз ҷумла татбиқи лоиҳаҳо оид ба масоили назорати яроқу аслиҳа, масоили мубориза бо терроризм ва идоранамоии сарҳадҳо, рушди иқтисодӣ, ҳифзи муҳити зист ва маърифати экологӣ, таҳияи сиёсати амнияти об, коҳиши хатари офатҳои табиӣ, идоракунии самарабахш, мубориза бо хариду фурӯши одамон, баробарии гендерӣ, ҳимоят аз ҳуқуқи инсон, рушди ВАО ва ташаббусҳо дар ворид намудани ислоҳот ба қонунгузориро дарбар мегирад.
Назорати яроқу аслиҳа
Бо мақсади кумак ба Ҳукумати Тоҷикистон дар такмил додани механизмҳои назорати силоҳ ва идоракунии захираҳои он, Дафтари барномаҳо бо сохторҳои салоҳиятдори Тоҷикистон дар самтҳои зерин ҳамкорӣ мекунад: баланд бардоштани бехатарии физикии яроқи сабуки оташфишон ва лавозимоти ҷангии муқаррарӣ ва тадбирҳои идоракунии захираҳои онҳо, татбиқи Конвенсияи Оттава (дар бораи манъи истифода, захира, истеҳсол ва интиқоли минаҳои зидди қӯшунҳои пиёдагард ва нобудсозии онҳо), инчунин қатъномаи 1540 Шӯрои Амнияти СММ дар бораи паҳн накардани силоҳи қатли ом ва воситаҳои ҳамлу нақли онҳо. Кумаки Дафтари барномаҳо дар ин самт гуногунҷабҳа ва ҳадафнок мебошад. Кӯмак дастгирии техникӣ (таҷдиди амнияти инфрасохтор/таъминоти таҷҳизот), маслиҳати коршиносон дар такмили бахшҳои дахлдори асноди ҳуқуқӣ ва инчунин баланд бардоштани иқтидори миллии омӯзишӣ бо ҳадафи умумии таъмини устувории натиҷаҳо ва моликияти миллиро дар оянда дарбар мегирад.
Идоранамоии сарҳадҳо
Тоҷикистон бо як қатор душвориҳое, ки бо сарҳадҳо иртибот доранд, аз ҷумла бо қочоқи маводи мухаддир ва қочоқи инсон, дучор меояд. Дафтари барномаҳо барои марзбонони тоҷик, қирғиз ва афғон оид ба ошкор ва пешгирӣ намудани убури ғайриқонунии марзҳо курсҳои таълимӣ мегузаронад, ба онҳо дар рушди системаҳои мубодилаи иттилоот мусоидат мекунад, ки убури сарҳадро осон ва назорати сарҳадро тақвият медиҳанд. Дастоварди асосӣ дар ин кори ҳаётан муҳим Коллеҷи САҲА барои ҳайати роҳбарикунандаи сарҳадӣ мебошад, ки онро Дафтари барномаҳо дар соли 2009 дар Душанбе таъсис додааст. Ҳамчун яке аз лоиҳаҳои барҷастаи САҲА, он ба 57 Кишвари иштирокчӣ ва 11 шарикони ҳамкор имкон медиҳад, ки афсарон ва масъулини роҳбарикунандаи марзбони худро дар коллеҷ омӯзонанд. Курсҳои асосии солонаи он се курси якмоҳа барои кормандонро дар бар мегиранд, ки яке аз онҳо барои кормандзанони мақомоти сарҳадӣ аст ва дигаре Аспирантураи яксола дар соҳаи амният ва идоракунии сарҳад барои роҳбарони боломақом, ки дар ИА аккредитатсия шудааст.
Фаъолияти иқтисодӣ
Дафтари барномаҳои САҲА дар Душанбе тавассути дастгирӣ ба минтақаҳои озоди иқтисодии кишвар ба Тоҷикистон дар беҳтар намудани фазои сармоягузорӣ ва тиҷорат кӯмак мерасонад. Дафтар ин корро тавассути тақвияти ҳамкориҳои байни соҳибкорон дар сатҳи маҳаллӣ ва байналмилалӣ анҷом медиҳад. Дафтар барои ҷалби имкониятҳои сармоягузорӣ дар Тоҷикистон якчанд чорабиниҳои марбут ба савдо ва тиҷоратро доир мекунад ва дар доир кардани онҳо ширкат меварзад. Рушди корхонаҳои хурду миёна яке аз асосҳои фаъолияти Дафтар дар соҳаи фаъолияти иқтисодӣ ва экологӣ мебошад. Якҷоя бо шарикони давлатӣ, САҲА дар минтақаҳо тренингҳои мақсаднок, бахусус барои муҳоҷирони баргашта, занон ва ҷавонон ташкил мекунад. Курсҳои мазкур ба такмил додани малакаҳои соҳибкории онҳо ва ба соҳибокорони мавҷуда ва эҳтимолӣ машварат додан оид ба андозбандӣ, литсензиядиҳӣ ва дастрасӣ ба молия равона мешаванд. Дар соҳаи мусоидат ба соддагардонии расмиёти савдо ва тавсеаи имконоти коммуникатсионӣ, Дафтар бо шарикони калидии Тоҷикистон дар робита бо талаботҳои СУС ва Созишномаи соддагардонии тиҷорат фаъолона ҳамкорӣ мекунад. Ба ин баргузор намудани тренингҳои баланд бардоштани иқтидор дар соҳаи ҳамоҳангсозии савдо ва соддагардонии расмиёт дохил мешавад.
Фаъолияти экологӣ
Барои мусоидат намудан ба муколамаи минтақавӣ оид ба идоракунии захираҳои об ва бехатарии сарбандҳо, Дафтари барномаҳо Конвенсияҳои байналмилалиро таблиғ мекунад ва масъулини кишварҳои Осиёи Марказиро барои муҳокима намудани мушкилот ва имкониятҳои муштарак ҷамъ меорад. Дафтар Тоҷикистонро дар такмили сиёсати экологӣ, маърифати экологӣ ва иштироки аҳолӣ дар доираи Ҳадафҳои Рушди Устувор дастгирӣ мекунад. Дафтар инчунин панҷ Маркази Орхусро, ки дар саросари кишвар ҷойгиранд, дастгирӣ мекунад, ки дар онҳо аҳолӣ имконият дорад дар бораи сиёсат ва қонунгузории экологӣ маълумот пайдо кунанд. Дафтар инчунин Тоҷикистонро дар ҳалли масъалаҳои истифодаи шабакаҳои мухтори манбаъҳои нерӯи барқароршаванда дар деҳоти дурдаст ва инчунин таъминоти оби нӯшокӣ дар шаҳру деҳот дастгирӣ мекунад.
Баробарии гендерӣ
Муколамаи минтақавӣ оид ба идоракунии захираҳои обӣ ва олудашавии фаросарҳадии муҳити зистро дастгирӣ намуда Дафтари барномаҳо ба қабул гардидани қарордодҳои байналмилалӣ мусоидат мекунад ва байни кормандони давлатӣ ва намояндагони ҷомеаи шаҳрвандӣ бо мақсади муҳокимаи масъалаҳои муштарак мулоқотҳо ташкил мекунад. Дафтари барномаҳо ҳафт маркази Орҳусро, ки дар тамоми минтақаҳои кишвар воқеанд дастгирӣ мекунад. Дар ин марказҳо аҳолӣ имконият дорад бо сиёсат ва қонунгузории экологӣ шиносоӣ пайдо намояд. Дафтари барномаҳо инчунин оид ба масъалаҳои дипломатияи энергетикӣ барои кормандони давлатии Тоҷикистон ва Афғонистон курсҳои омӯзишӣ баргузор менамояд.
Идоракунии самарабахш
Дафтари барномаҳо бо ҳукумат ва ҷомеаи шаҳрвандӣ барои таҳкими заминаи институтсионалӣ, стратегӣ ва ҳуқуқӣ, аз ҷумла кӯшишҳои онҳо ҷиҳати муқовимат ба коррупсия ва қонунигардонии (шустани) маблағҳо ҳамкорӣ мекунад. Он дар таҳияи Стратегияи нави миллии мубориза бо фасод дар Тоҷикистон нақши барҷаста дорад ва ба фаъолони ғайриҳукуматӣ барои саҳмгузорӣ ба Стратегия имконият медиҳад. Дафтар татбиқ ва таъсири онро назорат мекунад ва беҳтарин стандартҳои байналмилалии зиддифасодро ҷорӣ менамояд. Дар ҳамкорӣ бо Агентии мубориза бо коррупсия, Академияи идоракунии давлатӣ ва дигар муассисаҳои дахлдор, Дафтар барномаҳои таълимие таҳия мекунад, ки барои баланд бардоштани одоб ва ростқавлии хизматчиёни давлатӣ ва пешгирии бархӯрди манфиатҳо истифода мешаванд. Он инчунин маърифати зиддифасодро барои хизматчиёни давлатӣ ҷорӣ мекунад. Дафтар инчунин ба Бонки миллии Тоҷикистон дар эҷоди қарорҳои устувори зидди қонунигардонии маблағҳо кӯмак мерасонад. САҲА ба ҳамкорӣ бо ҷомеаи шаҳрвандӣ дар мубориза бо фасод ва таҳкими иқтидори он диққати махсус медиҳад. САҲА дар ташкили Эътилофи ташкилотҳои ҷамъиятии Тоҷикистон оид ба шаффофият ва мубориза бо фасод кумак кард ва дар баланд бардоштани иқтидор ва сатҳи огоҳӣ тавассути чорабиниҳои гуногун кӯмак расонд.
Ҳуқуқи инсон
Дафтари барномаҳо иқтидори ҳукумат ва ҷомеаи шаҳрвандии Тоҷикистонро дар татбиқи Барномаи давлатии таълимӣ оид ба ҳуқуқи инсон, Стратегияи миллӣ оид ба ҳуқуқи инсон ва Тавсияҳои давлатҳои узви Шӯрои ҳуқуқи инсони Созмони Милали Муттаҳид дар доираи Даври сеюми Шарҳи универсалии даврӣ (UPR-ШУД) тақвият медиҳад. Дафтар барои ҳамоҳангсозони ҳукуматӣ оид ба ҳуқуқи инсон, судяҳо ва омӯзгорон оид ба асноди қонунгузорӣ ва стандартҳои байналмилалии ҳуқуқи инсон тренингҳо мегузаронад.
Озодӣ ва рушди воситаҳои ахбори омма
Ҳадафи Дафтари барномаҳо баланд бардоштани иқтидори Ҳукумат ва ҷомеаи шаҳрвандӣ ҷиҳати муаррифӣ намудани қонунгузорӣ дар бораи ВАО ва барномаҳои баландсифати таълимии риштаи хабарнигорӣ дар донишгоҳҳо равона шудааст. Дафтари барномаҳо барои таҳияи Кодекси иттилоотии кишвар, ки муносибатҳои ҳуқуқиро дар соҳаи иттилоот ва ҳуқуқи дастрасӣ ба маълумотро танзим мекунад, бо парлумони Тоҷикистон ҳамкорӣ мекунад. Пас аз ба қабул кардан, Кодекси иттилоотӣ аввалин дар Осиёи Марказӣ хоҳад буд. Дафтари барномаҳо инчунин Вазорати маориф ва илмро барои баланд бардоштани сифати барномаҳои таълимӣ ва омоданамоии кадрҳо барои факултетҳо ва ихтисосҳои хабарнигории муассисаҳои миллии таҳсилоти олӣ дастгирӣ мекунад. Дафтар инчунин бо Шӯрои ВАО-и Тоҷикистон, ки ҳамчун воситаи муҳими миёнаравӣ дар байни мардум ва ВАО хизмат мекунад, бо роҳи ҳалли баҳсҳо то ба суд расидани онҳо ҳамкорӣ мекунад. Дар ҳамкорӣ бо Шӯрои ВАО-и Тоҷикистон, Дафтар бахшида ба Рӯзи ҷаҳонии озодии матбуот Форуми ВАО-ро ташкил менамояд, ки дар он рӯйдодҳои марбути ВАО дар Тоҷикистон баррасӣ карда мешавад.
Фаъолияти мақомоти ҳифзи ҳуқуқ
Волоияти қонун
Ин самти кори Дафтари барномаҳо ба таҳкими иқтидори ҳукумат дар таҳияи асноди қонунгузорӣ ва механизмҳои дахлдор барои барномаҳои санҷиш (пробатсия), арзёбии хавфҳо, офиятбахшӣ ва ба ҷомеа аз нав шомилкунии ҷинояткорони калонсол ва ноболиғ равона шудааст. Қисми ин кор ба мусоидат ва дастгирии таъсиси механизмҳои ҳифзи муносибат ва шароитҳои муносиби нигоҳдории боздоштшудагон ва маҳбусон, аз ҷумла ба баровардани ҷазои алтернативӣ, офиятбахшӣ ва ба ҷомеа аз нав шомилкунӣ нигаронида мешавад. Дафтар барои гурӯҳи кории байниидоравӣ кумаки техникӣ ва платформаи муколама фароҳам меорад. Гурӯҳ аз намояндагони ҷомеаи шаҳрвандӣ ва коршиносон оид ба татбиқи барномаи ислоҳоти системаи иҷрои ҷазои ҷиноятӣ иборат аст. Дафтар ба гурӯҳи корӣ оид ба ислоҳоти системаи таъмини адолати судӣ нисбати кӯдакон кӯмаки таҳкими зарфият мерасонад. Барнома як қисми татбиқи Нақшаи миллии амал оид ба ислоҳоти низоми татбиқи адлия нисбати ноболиғон барои солҳои 2017-2021 мебошад. Дар ҳамкории зич бо Маркази таълимии Суди Олӣ Дафтари барномаҳо барои таҳияи маълумотномаи судӣ оид ба идоракунии парвандаҳои марбут ба фаъолияти экстремистӣ ва террористӣ кӯмак мерасонад. Кӯмак дастгирии таҳкими зарфияти судяҳоро дар идоракунии чунин парвандаҳо дар бар мегирад. Дафтар ба таъсиси як воҳиди истеҳсолӣ дар колонияи занонаи Норак кӯмак кард ва дастгирии онро идома медиҳад. Кӯмак ташкили синфҳои омӯзишӣ барои таълими касбии маҳбусонеро дарбар мегирад, ки ба воҳиди истеҳсолӣ ҷалб карда шудаанд. Дафтар ба кори Шӯрои ҳамоҳангсозии ислоҳоти системаи иҷрои ҷазои ҷиноятӣ мусоидат мекунад, ки дар он мақомоти давлатӣ, намояндагони ҷомеаи шаҳрвандӣ, коршиносон ва ташкилотҳои байналмилалӣ нақшаҳо ва чорабиниҳои ислоҳоти системаи иҷрои ҷазоро ҳамоҳанг мекунанд.