Биз эмне менен алектенебиз

Кеңсе КР Өкмөтүнүн зомбулуктуу экстремизм жана терроризмге алып келген радикалдашуу (VERLT) менен күрөшүн күчөтүүгө көмөктөшөт. Кеңсе жаштардын аталган коркунучка каршы туруудагы ролун моюндайт жана жаштарды жаңжалдарды болтурбоонун жана жөнгө салуунун аркасында өзгөрүүлөрдү демилгелөө мүмкүнчүлүктөрү менен камсыздайт. Кеңсе Борбордук Азиянын беш мамлекетиндеги жаштар түйүнүнө терроризм коркунучуна каршы туруу жаатында кызматташуу жана алдыңкы тажрыйбага ээ болуу, ошондой эле бул көйгөй туурасында маалымдуулукту жогорулатуу максатында колдоо көрсөтөт.

Шайлоо процесстеринин демократиялуулугун андан ары өнүктүрүүгө көмөктөшүү үчүн Кеңсе Шайлоолорду жана референдумдарды өткөрүү боюнча борбордук комиссия жана башка компетенттүү улуттук мамлекеттик органдар менен активдүү кызматташат. Кеңсе Мамлекеттик каттоо кызматы менен анын шайлоо тутумун реформалоонун техникалык экспертизасын өткөрүүдөгү дараметин жогорулатуу максатында кызматташат. Укук коргоо органдарынын кызматкерлери үчүн Кеңсе улуттук жана жергиликтүү шайлоо комиссияларынын мүчөлөрү үчүн шайлоо өткөрүүнүн эл аралык стандарттары жана жол-жоболору боюнча окуу курстарын, ошондой эле шайлоочулардын добушун сатып алууну болтурбоо маселелери боюнча семинарларды өткөрөт. Кеңсе шайлоочулардын шайлоо укуктары боюнча маалымдуулугун жогорулатат жана жалпы улуттук, жергиликтүү деңгээлде шайлоолордун ачык-айкындуулугуна көз салган бейөкмөт уюмдарын колдойт. Ал ошондой эле мамлекеттик органдарга шайлоочулардын тизмесинин сапатын жакшыртуу, өлкөдөгү негизги коомдук кызмат көрсөтүүлөр жеткиликтүү болушун камсыздоо үчүн зарыл болгон калкты каттоонун бирдиктүү реестрин түзүү жана маалыматтарды, анын ичинде биометрикалык маалыматтарды да коргоону жакшыртуу маселелери боюнча кеп-кеңеш берет. Ошондой эле Кеңсе шайлоочулардын портфелинин алкагында болушунча көбүрөөк сандагы жаштар менен майыптардын парламенттин жана жергиликтүү кеңештердин ишине тартылуусун илгерилетүүнүн үстүндө иш алпарат.

Кеңсе Кыргызстандын Гендердик тең укуктуулукка жетүү боюнча стратегиясын колдоо максатында өлкөдөгү өзөктүү тараптар менен кызматташат, коомчулукту коопсуздуктун гендердик аспектилери жөнүндө маалымдоого жана эркектердин БУУнун Адам укуктарын коргоо боюнча механизмдеринде чагылдырылган сунуштамаларга ылайык гендердик тең укуктуулукту илгерилетүү процессине катышуусуна көмөктөшөт. Андан тышкары, гендердик зомбулуктун курмандыктары үчүн Аялдардын демилгелүү топтору түйүнүнө колдоо көрсөтөт жана коомдоштуктарда жардам сурап кайрылуу механизмдерин, парламент менен милициянын ортосундагы механизмдерди түзүүгө жардамдашат. Андан тышкары, Кеңсе аялдардын, өзгөчө – айыл жергесиндеги аялдардын экономикалык ишмердүүлүккө катышуусун илгерилетүү боюнча окуу семинарларын өткөрүп турат. Жергиликтүү бийлик органдарынын жана жарандык коомдун үй-бүлөлүк зомбулук, кыз ала качуу жана эрте никеге тургузуу, ошондой эле курмандыктарга олуттуу колдоо көрсөтүү маселелери боюнча демилгелери Кеңсенин ишмердүүлүгүнүн ажырагыс бөлүгү болуп саналат. Кеңсе коопсуздук жаатындагы гендердик аспектилердин, бардык укук коргоо органдарындагы аял-адистерди колдоонун маанисин баса белгилейт. Бул максатта Кеңсе Кыргыз аял милиционерлер ассоциациясын (КАМА) жана Кыргыз коопсуздук чөйрөсүнүн аялдарынын ассоциациясын (ККЧАА) коопсуздук чөйрөсүн жөнгө салуудагы аялдардын ролун илгерилетүү максатында колдоого алат.

Кеңсе Кыргызстанда адам укуктарын жана негизги эркиндиктерин активдүү илгерилетүү менен алектенет. Бул мамлекеттик мекемелер менен жарандык коомдун ортосундагы координацияны диний сабырдуулукту, светтик билим алууну жана конфессиялар аралык диалогду илгерилетүү максатында жакшыртуу ишин камтыйт. Кеңсе ошондой эле кыйноолорду болтурбоо боюнча да иш алпарат. Буга байланыштуу ал кыйноолорго каршы күрөшүү боюнча жарандык уюмдардын түйүнүн, муну менен бирге эле жабык жана жарым-жартылай жабык объектилерге көз салган адам укуктары боюнча улуттук уюмдарды техникалык жана эксперттик жактан колдоону камсыздайт. Ошол эле учурда укук коргоо органдары кыйноо колдонулган учурларды иликтөө механизмдерин өнүктүрүү жана кыйноолорго каршы күрөшүү үчүн эл аралык стандарттар менен таанышуу боюнча жардам алышат. Кеңсе БУУнун Экономикалык, социалдык жана маданий укуктар жөнүндө пактын, ошондой эле БУУнун тийиштүү Комитети тарабынан даректүү өлкөлөр үчүн даярдалган сунуштамаларды толугу менен ишке ашырууга көмөктөшөт. Буга байланыштуу Кеңсе жарандык коомдун даректүү өлкөлөрдүн Мүмкүнчүлүктөрү чектелген адамдардын укуктары жөнүндө конвенцияны ратификациялоосун илгерилетүү жана колдоо боюнча демилгелерин колдоого алат. Ошондой эле деңгээлде Кыргызстандын жаштарын экономикалык, социалдык жана маданий укуктар жөнүндө маалымдоо боюнча ишмердүүлүк камсыздалат.