News and press releases

26 марти соли 2025 Дафтари барномаҳои САҲА дар Душанбе ба Комиссияи байниидораии оид ба мубориза ба муқобили хариду фурӯши одамон маҷмӯи таҷҳизоти технологияи иттилоотӣ ва идоравиро тақдим намуд.

15 марти соли 2025 дар Ғарм, Тоҷикистон, курси омӯзишии дуҳафтаина оид ба безараргардонии маводи тарканда (EOD) сатҳи 1-2 барои 14 афсари Вазорати мудофиа ва Қӯшунҳои сарҳадии Ҷумҳурии Тоҷикистон ба анҷом расид. Курс, ки ба такмили донишу малакаҳои амалӣ нигаронида шудааст, аз ҷониби роҳбаладони таълимии Дафтари барномаҳои САҲА дар Душанбе ва Маркази минтақавии таълимии безараргардонии маводи таркандаи назди Вазорати мудофиаи Ҷумҳурии Тоҷикистон дар якҷоягӣ гузаронида шуд.

Аз 17 то 28 феврали соли 2025 Дафтари барномаҳои САҲА дар Душанбе барои роҳбарони дидбонгоҳҳои сарҳадӣ, ки дар сарҳади Ҷумҳурии Тоҷикистону Афғонистон хидмат мекунанд, курси таълимии дуҳафтаинаи ҳамаҷониба доир намуд. Дар омӯзиши дар маркази таълимии дастаи сарҳадии ноҳияи Панҷ баргузоршуда 20 афсари Қӯшунҳои сарҳадии Ҷумҳурии Тоҷикистон, асосан аз дидбонгоҳҳои вилояти Хатлон, ширкат варзиданд.

Понздаҳ афсари Қӯшунҳои сарҳадии Ҷумҳурии Тоҷикистон дар машғулияти назариявии омӯзиши роҳбаладон дар мавзӯи «Санҷиши аслияти ҳуҷҷатҳои амниятӣ», ки аз 24 то 28 феврали соли 2025 дар Душанбе баргузор шуд, ширкат варзиданд.

Аз 25 то 27 феврали соли 2025 Дафтари барномаҳои САҲА дар Душанбе ба Вазорати корҳои дохилӣ дар ташкили ҷаласаи гурӯҳи корӣ оид ба баррасии лоиҳаи Қонун «Дар бораи милитсия» мусоидат намуд. Музокирот 25 феврал дар ноҳияи Ҳисор оғоз ёфта рӯзҳои 26-27 феврал дар Душанбе идома ёфт.

Ба наздикӣ коршиносон аз Қазоқистон, Қирғизистон, Тоҷикистон, Туркманистон ва Ӯзбекистон сафари арзишманди табодули таҷрибаро ба Белгия анҷом доданд, ки ба баланд бардоштани иқтидори онҳо дар самти безараргардонии маводи тарканда нигаронида шуда буд. Сафар, ки аз 10 то 14 феврали соли 2025 сурат гирифт, бо мусоидат ва дастгирии Дафтари барномаҳои САҲА дар Душанбе ва мизбонии Шоҳигарии Белгия бо иштироки Иёлоти Муттаҳидаи Амрико анҷом дода шуд.

6 феврали соли 2025 Дафтари барномаҳои САҲА дар Душанбе, ки айни ҳол раёсати Гурӯҳи кории Шӯрои ҳамоҳангсозии рушд оид ба рушди бахши макроиқтисодӣ, хусусӣ ва молиявӣ ва мусоидат ба савдои минтақавиро ба ӯҳда дорад, ҷаласаи семоҳаи аввали худро баргузор намуд.