News and press releases

30 қыркүйек пен 11 қазан аралығында ЕҚЫҰ-ның Астанадағы Бағдарламалар офисі (бұдан әрі – Офис) Қазақстан Республикасы Ұлттық қауіпсіздік комитетінің Шекара қызметінің Леңгір қаласында (Түркістан облысы) ұшқышсыз ұшу аппараттары (ҰҰА) бойынша он жаңа нұсқаушыға арналған тереңдетілген тренерлерді даярлау курсын ұйымдастырды. Офистің қолдауымен Шекара қызметі Леңгірде ҰҰА пайдалану бойынша озық тәжірибе орталығын ашты, онда ЕҚЫҰ-ның қолдауымен болашақта әлеуетті арттыру іс-шаралары өткізілетін болады.

2024 жылғы 30 қыркүйек пен 2 қазан аралығында ЕҚЫҰ-ның Астанадағы бағдарламалар Офисі (бұдан әрі – Офис) ҚР Ішкі істер министрлігімен және ҚР Президенті Әкімшілігінің қолдауымен бірлесіп жүзеге асырылып жатқан Офистің «Қазақстан Республикасына киберқылмысқа қарсы тиімді саясат әзірлеуге қолдау көрсету» (I кезең) атты бюджетен тыс жобасы аясында Қазақстан делегациясының Финляндия, Хельсинки қаласына танысу сапарын ұйымдастырды. Делегация құрамына Ішкі істер министрлігі мен Президент Әкімшілігінің өкілдері кірді.

2024 жылғы 18 қыркүйекте ЕҚЫҰ-ның Астанадағы бағдарламалар офисі Қазақстандағы 2025-2029 жылдарға арналған киберқылмыстар мен ақпараттық-коммуникациялық технологияларды пайдалана отырып жасалатын қылмыстарға қарсы іс-қимылдың алғашқы Кешенді жоспарын (бұдан әрі – Кешенді жоспар) әзірлеу бойынша Ведомствоаралық үйлестіру тобының қорытынды, үшінші отырысын өткізді.

2024 жылғы 11-14 қыркүйекте ЕҚЫҰ-ның Астанадағы Бағдарламалар офисінің «Қазақстандағы сот төрелігі жүйесінің тиімділігін арттыру» бюджеттен тыс жобасы аясында 2025-2029 жылдарға арналған соттарды әкімшілендіру стратегиясын қалыптастыруды қолдауға бағытталған семинар өтті. Семинар екі кезеңде бірінші Астана қаласында басталып, жалғасын Бурабайда тапты.

2024 жылғы 26 тамызда ЕҚЫҰ-ның Астанадағы бағдарламалар офисі (бұдан әрі-Офис) Біріккен Ұлттар Ұйымының Еуропалық экономикалық комиссиясымен (БҰҰ ЕЭК) және Халықаралық суды бағалау орталығымен (СРБО) ынтымақтастықта қалдық қоймаларының қауіпсіздігі және Қазақстандағы су объектілерінің кездейсоқ ластануын болдырмау жөніндегі ведомствоаралық жұмыс тобының (ВЖТ) 3-ші отырысын өткізді.

2024 жылдың 19-20 тамызында ЕҚЫҰ-ның Астанадағы бағдарламалар офисі Қаржылық мониторинг агенттігімен (ҚМА) бірлесіп, құмар ойындар мен лотереялар саласындағы тәуекелдерді басқаруды күшейтуге арналған оқыту семинарын өткізді.

2024 жылғы 29-30 мамырда ЕҚЫҰ-ның Астанадағы бағдарламалар офисі Қаржы нарығын реттеу және дамыту агенттігімен (ҚНРДА) бірлесіп Алматы қаласында оқыту семинарын өткізді. Семинар салық қылмыстары, кәсіпкерлік қызмет және мемлекеттік сатып алу саласындағы бұзушылықтар нәтижесінде болған ақшаны жылыстатуға қарсы күреске арналды. Бұл бастама Қазақстанның ақшаны жылыстатуға және терроризмді қаржыландыруға қарсы күрестегі әлеуетін нығайтуға бағытталған көпжылдық ынтымақтастықтың бір бөлігі болып табылады.