Hyzmatdaşlyk hakykatdan hem wajypdyr! ÝHHG-niň interaktiw kampaniýasy howpsuzlygyň we hyzmatdaşlygyň global derejede nähili düşünilýändigini öwrenýär

Wena, 17 aprel 2015 – Şu gün başlanan täze interaktiw kampaniýanyň çäklerinde ÝHHG jemgyýetçiligiň agzalaryny geljekde howpsuzlygy durmuşa geçirmek we hyzmatdaşlygyň üsti bilen parahatçylygy ýaýratmak üçin ählimiziň bilelikde nähili işläp biljekdigimizi beýan edýän suratlary, wideolary we jemgyýetçilik habar beriş serişdelerinde habarnamalary ugratmaga çagyrýar.

“Hyzmatdaşlyk hakykatdan hem wajypdyr” atly kampaniýanyň maksady, dünýäni howpsuz we has hem parahatçylykly mekana öwürmek üçin global jemgyýetçiligiň bir bölegi bolan her birimiziň goşantlarymyzyň we  tagallalarymyzyň zerurdygyny görkezmekden ybarat bolup durýar. Bu kampaniýa, ÝHHG-niň düýbüni tutan we bu günki günde hem onuň howpsuzlyga bolan düşünjeli çemeleşmesini ugrukdyrýan esasy resminama – Helsinki Jemleýji delilnamasynyň 40 ýyllygyna bagyşlanan çäreleriň biridir.

Jemgyýetçilik #WeCooperate we #OSCE heştegleri ulanmak bilen, öz goşantlaryny Twitter, Instagram arkaly ugradyp, kampaniýanyň websaýty bolan www.osce.org/wecooperate salgysyna we/ýa-da ÝHHG-niň Facebook sahypasyna ugradyp , bu kampaniýa gatnaşyp biler. Iň gowy habarnamalar websaýtda çap ediler, şeýle hem, her iki hepde dürli howpsuzlyk we hyzmatdaşlyk sebitlerini görkeziji enjam we ÝHHG çäresine çakylyk bilen sylaglanylar. Kampaniýa hakynda jikme-jik maglumat we oňa gatnaşmaklygyň kadalary kampaniýanyň www.osce.org/wecooperate websaýtynda beýan edilendir.