Documents library

Тафсири модда ба моддаи Кодекси манзили Ҷумҳурии Тоҷикистон аз 18 марти соли 2022 1852, 1 сентябри соли 2022 эътибор гирифта масъалаҳои ҳуқуқӣ ва амалиеро, ки ҳангоми истифодаи меъёрҳои қонунгузории манзил ба миён меоянд, шарҳ медиҳад. Дар таҳияи шарҳу тавзеҳот коршиносони Ташкилоти ҷамъиятии «Ҳуқуқи дастрас» ва коршиносони мустақил дар соҳаи ҳуқуқ ба манзили муносиб иштирок намуданд. Тафсир инчунин ба натиҷаҳои таҳлили баррасии рафти татбиқи Стратегияи давлатии муқовимат бо коррупсия дар Ҷумҳурии Тоҷикистон барои давраи то соли 2030 ва Нақшаи чорабиниҳо оид ба татбиқи он дар марҳилаи аввал (2021-2025) аз нигоҳи оид ба такмили қонунгузорӣ, ки ба мубориза бар зидди коррупсия дар соҳаи қонунгузории манзил ва замин нигаронида шудааст (Ҳисоботи мониторинг, 2022-2023), асос ёфтааст (Ҳисоботи мониторинг, 2022-2023). Дафтари барномаҳои САҲА дар Душанбе таҳияи ҳисоботи мониторинг (2022-2023) ва инчунин нашри тафсирро (2024) дастгирӣ намуд. Ин фаъолият дар доираи дастгирии доимии САҲА ба Ҷумҳурии Тоҷикистон дар пешбурди идоракунии самаранок ва татбиқи Стратегияи давлатии муқовимат бо коррупсия мутобиқи стандартҳои байналмилалӣ сурат гирифт. Нашрия ба забони точикӣ дастрас аст.

Дар солҳои 2022-2023 аз ҷониби коршиноси ҷомеаи шаҳрвандӣ таҳлили маълумоти ҷамъовардашуда оид ба татбиқи Стратегияи давлатии муқовимат бо коррупсия дар Ҷумҳурии Тоҷикистон барои давраи то соли 2030 ва Нақшаи чорабиниҳои амалисозии он барои марҳилаи якум (солҳои 2021-2025) дар самти такмили қонунгузорӣ, ки ба мубориза бар зидди коррупсия дар соҳаи қонунгузории манзил ва замин нигаронида шудааст (минбаъд ҳисоботи мониторинги солҳои 2022-2023) гузаронида шуд. Таҳлил нишон дод, ки яке аз омилҳое, ки боиси коррупсия дар соҳаи манзил мегардад, набудани усули ягонаи таҷрибаи судӣ дар баррасии парвандаҳои марбут ба муносибатҳои ҳуқуқии соҳаи манзил мебошад. Ҳамчун механизми пешгирикунанда оид ба беҳтар намудани таҷрибаи иҷрои қонунгузорӣ аз ҷониби судҳои поёнӣ тавсияҳо дода шуданд. Бо иштироки коршиносони Ташкилоти ҷамъиятии «Ҳуқуқи дастрас» Лоиҳаи қарори Пленуми Суди Олии Ҷумҳурии Тоҷикистон бо максади таъмини татбиқи дуруст ва ягона қонун аз тарафи судҳо тартиб дода шуд. Дафтари барномаҳои САҲА дар Душанбе (САҲА) таҳияи ҳисоботи мониторинг (солҳои 2022-2023), баргузории ду ҷаласаи гурӯҳи кории Суди Олӣ оид ба лоиҳаи қарор (2023) ва нашри қарорро (2024) дастгирӣ намуд. Фаъолияти мазкур дар доираи дастгирии доимии САҲА ба Ҷумҳурии Тоҷикистон дар пешбурди идоракунии самаранок ва татбиқи Стратегияи давлатии муқовимат бо коррупсия мутобиқи стандартҳои байналмилалӣ сурат гирифт. Илова бар ин, дар доираи фаъолияти худ дар андозагирии инсонӣ, САҲА таҳлили гендериро барои таҳияи лоиҳаи қарор (2023) дастгирӣ намуд. Қарор ба забонҳои тоҷикӣ ва русӣ дастрас аст.

Гузориши «Вазъи тозагӣ дар деҳоти Тоҷикистон», ки аз ҷониби коршиноси байналмилалӣ Сушмита Синҳа дар соли 2020 таҳия шудааст, бар асоси таҳлили сифатии иттилооте, ки тавассути мусоҳиба ва баррасии ҳуҷҷатҳо ҷамъоварӣ шудааст, асос ёфтааст. Таҳлил тавассути омӯзиши рӯимизӣ аз нуқтаи назари техникӣ, иҷтимоӣ, институтсионалӣ, ҳуқуқӣ ва зарфият анҷом дода шудааст. Баррасии гузоришҳо, мақолаҳо ва вохӯриҳои онлайн ва муҳокимаҳо бо коршиносони калидии байналмилалӣ ва миллӣ оид ба лоиҳаҳои ҷории беҳдоштӣ дар Тоҷикистон барои фаҳмидани талабот гузаронида шудаст. Дафтари барномаҳои САҲА дар Душанбе тавассути ин таҳқиқот кӯшиш кард афкор, вазъи кунунӣ ва норасоиҳоро дар инфрасохтор, сохторҳои институтсионалӣ, шароити иҷтимоиву иқтисодӣ, дониш, огоҳӣ, зарфияти ҷонибҳои манфиатдор ва чаҳорчӯби қонуниро муайян кунад. Ҳисоботро доираи васеи баҳрабардорон истифода бурда метавонад, бахусус барои иттилоотонии шахсони масъули қабули қарорҳо ва ҷонибҳои асосии манфиатдор дар бораи он, ки барои беҳтар кардани ҳолати санитарӣ ва муқаррар кардани талабот барои омӯзиши минбаъда дар маҳалҳо зарур аст.

Гузориши мазкур дар ҳамкорӣ бо Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон таҳия шудааст. Нашрия маълумот дар бораи низоми давлатии амалҳои пешгирикунанда ва ҳифзи аҳолӣ ва қаламрави Ҷумҳурии Тоҷикистон дар ҳолатҳои фавқулодда, татбиқи Стратегияи миллии коҳиши хатари офатҳои табиӣ, мудофиаи шаҳрвандӣ, инчунин корҳои ҷустуҷӯӣ ва наҷотдиҳиро дар бар мегирад. Гузориш инчунин маълумотро дар бораи фаъолияти таблиғотии аҳолӣ дар соҳаи пешгирӣ ва вокуниш ба ҳолатҳои фавқулодда, сиёсати кадрӣ, ҳамкории байналмилалӣ ва самтҳои асосии рушди Кумита дар соли 2020 дар бар мегирад. Гузориши мазкур бо забонҳои русӣ ва англисӣ дастрас аст.

Гузориши мазкур дар ҳамкорӣ бо Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон таҳия шудааст. Нашрия маълумот дар бораи низоми давлатии амалҳои пешгирикунанда ва ҳифзи аҳолӣ ва қаламрави Ҷумҳурии Тоҷикистон дар ҳолатҳои фавқулодда, татбиқи Стратегияи миллии коҳиши хатари офатҳои табиӣ, мудофиаи шаҳрвандӣ, инчунин корҳои ҷустуҷӯӣ ва наҷотдиҳиро дар бар мегирад. Гузориш инчунин маълумотро дар бораи фаъолияти таблиғотии аҳолӣ дар соҳаи пешгирӣ ва вокуниш ба ҳолатҳои фавқулодда, сиёсати кадрӣ, ҳамкории байналмилалӣ ва самтҳои асосии рушди Кумита дар соли 2019 дар бар мегирад. Гузориши мазкур бо забонҳои англисӣ ва русӣ дастрас аст.

Анкета- Давраи омӯзишӣ "Ахлоқи рӯзноманигорӣ"

Гузориши мазкур дар якҷоягӣ бо Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон (Кумита) таҳия шудааст. Он маълумотро дар бораи такмил додани фаъолияти Кумита дар соли 2018, тавсифи маҷмӯи чорабиниҳо оид ба ҳифзи аҳолӣ аз ҳолатҳои фавқулодда, мудофиаи гражданӣ, чорабиниҳои ҷустуҷӯиву наҷотдиҳиро дар бар мегирад. Гузориш ҳамчунин маълумотро дар бораи баланд бардоштани сатҳи огоҳии аҳолӣ ва ҳамкорӣ бо ВАО, ҳамкории байналмилалӣ, такмили ихтисоси кормандони Кумита ва дурнамои рушди институтсионалиро барои соли 2019 фаро мегирад. Гузориш бо забонҳои русӣ ва тоҷикӣ дастрас аст.

Изҳороти Дабири кулли САҲА Томас Гремингер дар конфронси матбуотӣ пас аз мулоқот бо Президенти Тоҷикистон Эмомалии Раҳмон дар, Душанбе, 4 майи соли 2018.