Udhëzues për Vëzhgimin dhe Promovimin e Pjesëmarrjes së Grave në Zgjedhje
Në kuadër të metodologjisë së përgjithshme për vëzhgimin e zgjedhjeve, në botimin e dytë të Udhëzuesit për Vëzhgimin dhe Promovimin e Pjesëmarrjes së Grave në Zgjedhje, që bazohet në botimin e parë të vitit 2004, shtjellohet më tej metodologjia e ODIHR-it për vlerësimin dhe dhënien e rekomandimeve për pjesëmarrjen e grave në zgjedhje.
Përveçse ofron udhëzime për aktivitetet e ODIHR-it për vëzhgimin e zgjedhjeve (AVZ-të), ky manual mund të ndihmojë edhe në informimin e shteteve pjesëmarrëse – organeve të tyre të administrimit të zgjedhjeve, partive politike, zgjedhësve, kandidatëve, mediave dhe shoqërisë civile – në lidhje me angazhimet e OSBE-së dhe me standardet e tjera ndërkombëtare dhe rajonale, si dhe me praktikat e mira për pjesëmarrjen e grave në zgjedhje. Ai bazohet në përvojën e fituar gjatë pothuajse tri dekadave të vëzhgimit të zgjedhjeve dhe në të merren parasysh aktivitetet e shteteve pjesëmarrëse dhe të ODIHR-it për të promovuar pjesëmarrjen e grave në jetën politike, përfshirë edhe pjesëmarrjen e tyre në zgjedhje.
Pikëpamjet, opinionet, përfundimet dhe informacionet e tjera të shprehura në këtë dokument as nuk janë dhënë dhe as nuk mbështeten detyrimisht nga Organizata për Siguri dhe Bashkëpunim në Evropë (OSBE), me përjashtim të rastit kur OSBE-ja është e përcaktuar qartë si Autorja e këtij dokumenti.