ԵԱՀԿ գրասենյակը նվիրաբերում է բժշկական սարքավորումներ Երևանի մանկական հիվանդանոցին

31 մայիսի 2011թ., Երևան – Երեխաների միջազգային օրվա` hունիսի 1-ի կապակցությամբ, ԵԱՀԿ երևանյան գրասենյակը այսօր բժշկական սարքավորումներ է նվիրաբերել Երևանի պետական բժշկական համալսարանի <<Մուրացան>> հիվանդանոցին, որը մասնագիտացած է հեմատոլոգիական խնդիրներով երեխաների բուժման մեջ:

Նվիրատվությունը, որը նաև ներառում է խաղալիքներ և նկարչական ու կերպարվեստի պարագաներ երեխաների համար, հնարավոր է դարձել ԵԱՀԿ ամենամյա բարեգործական պարահանդեսի հասույթից ստացված միջոցներով:

ԵԱՀԿ երևանյան գրասենյակի ղեկավար, դեսպան Սերգեյ Կապինոսն ասաց. <<Հուսով ենք, որ այս սարքավորումները կնպաստեն փոքրիկ հիվանդների ավելի արդյունավետ բուժմանը: Սա նաև լավ առիթ է երեխաների միջազգային օրվան ընդառաջ ժպիտ պարգևել նրանց և գոնե մեկ օրով նրանց մոռացնել տալ իրենց առողջական խնդիրները>>:

ՀՀ կրթության և գիտության նախարար Արմեն Աշոտյանն ասաց. <<Այս քայլը լավ ապացույց է, որ ԵԱՀԿ-ն խիստ կարևորում է մարդկային արժեքները, մասնավորապես` մարդու կյանքը>>: Նա նաև հավելեց, որ ԵԱՀԿ-ի այս նախաձեռնությանն ի պատասխան, որ նախարարության աշխատակազմը որոշակի միջոցներ կհանգանակի և կփոխանցի հիվանդանոցին` հոգալու առաջին անհրաժեշտության կարիքները:

Նվիրաբերված բժշկական սարքավորումներն են` պերֆյուզորը իր համակարգերով, արյան պլազմայի համար նախատեսված ջրային բաղնիք, օքսիմետր և հեմոգլոբինոմետր:

Ամեն տարի Վիեննայում կազմակերպվում է ԵԱՀԿ պարահանդես, որի շրջանակներում գումարներ են հավաքվում բարեգործական նպատակների համար:

Լրացուցիչ տեղեկատվության համար խնդրում ենք դիմել ԵԱՀԿ երևանյան գրասենյակի մամուլի և հանրային կապերով պատասխանատու Գոհար Ավագյանին հետևյալ հեռախոսահամարներով` 22 96 10 / 11/12/13/14 նրք. 5406, բջջ.` (091) 436389: