Skip navigation

0Meta Navigation

× Close search

Navigation

Асосӣ Хабарҳо Навигариҳо ва ахбор барои расонаҳо САҲА курси омӯзишии аз ҷониби Иттиҳоди Аврупо маблағгузоришуда оид ба баланд бардоштани зарфияти тактикӣ дар маҳалҳо барои афсарони сарҳадбони Ҷумҳурии Тоҷикистонро ба анҷом расонд
Хабарҳо

САҲА курси омӯзишии аз ҷониби Иттиҳоди Аврупо маблағгузоришуда оид ба баланд бардоштани зарфияти тактикӣ дар маҳалҳо барои афсарони сарҳадбони Ҷумҳурии Тоҷикистонро ба анҷом расонд

6 декабр 2024
Юэн Тодд (дар мобайн), Роҳбари Лоиҳаи «Босуботгардонии минтақаи сарҳади ҷанубии Ҷумҳурии Тоҷикистон бо Афғонистон» дар Дафтари барномаҳои САҲА дар Душанбе ба иштирокчӣ, ки Курси чорҳафтаинаи баланд бардоштани зарфияти тактикӣ дар маҳалҳо барои афсарони сарҳадии тоҷик, Отряди сарҳадии Ҳамадонӣ, вилояти Хатлон, бомуваффақият хатм кардааст, шаҳодатномаи хатмро тақдим мекунад, 6 декабри соли 2024. (САҲА/Жасмин Сатторова) Суратро кушодан

Дафтари барномаҳои САҲА дар Душанбе курси омӯзишии баланд бардоштани зарфияти  тактикӣ дар маҳалҳо барои Қӯшунҳои сарҳадии Ҷумҳурии Тоҷикистон дар отряди сарҳадии Ҳамадонии вилояти Хатлонро бомуваффақият анҷом дод. Курси мазкур аз 11 ноябр то 6 декабри соли 2024 дар чорчӯбаи лоиҳаи «Босуботгардонии минтақаи сарҳади ҷанубии Ҷумҳурии Тоҷикистон бо Афғонистон», ки аз ҷониби ИА маблағгузорӣ мешавад баргузор карда шуд.

Дар давоми барномаи чорҳафтаина, 29 афсари баландпоя барои баланд бардоштани дониш ва малакаҳои худ дар соҳаҳои гуногун, аз ҷумла топография, арзёбии хатарҳо, равандҳои қабули қарорҳо, посбонии тактикӣ ва малакаҳои зинда мондан, омӯзиши пуршиддат гирифтанд.

Дар робита бо 16 рӯзи фаъолият бар зидди зӯроварии гендерӣ, ширкаткунандагон дар ҷаласаи баланд бардоштани сатҳи огоҳӣ таҳти роҳбарии роҳбаладони Дафтари барномаҳои САҲА ва Қӯшунҳои сарҳадии Ҷумҳурии Тоҷикистон ширкат варзиданд. Дар ин ҷаласа онҳо оид ба пешгирии зӯроварии гендерӣ табодули таҷриба ва стратегияи худ карданд.

Илова бар ин, коршиносони Дафтари Комиссари олии СММ оид ба гурезагон дар Ҷумҳурии Тоҷикистон дар бораи ӯҳдадориҳои байналмилалии ҳуқуқи башар дар кишвар, ваколатҳо ва фаъолияти асосии Комиссари Олии СММ оид ба гурезагон, инчунин қонун ва ҳуқуқҳои байналмилалии гурезагон баромад карданд.

Курси омӯзишии мазкур омодагии доимии Иттиҳоди Аврупо ва САҲА-ро барои дастгирии кӯшишҳои таҳкими тавонмандии Ҷумҳурии Тоҷикистон ва саҳмгузорӣ ба амнияти сарҳадии кишвар таъкид мекунад.