САҲА мизи мудаввар барои таҳлили қонунгузории Тоҷикистон бинобар ба гузариш ба пахши рақамӣ ташкил кард
![](https://www.osce.org/files/imagecache/10_large_gallery/f/images/hires/5/e/400247.jpg?1539857195)
Дар санаи 18-уми октябри соли ҷорӣ, Дафтари банромаҳои САҲА дар Душанбе дар ҳамкорӣ бо Маҷлиси Олии Ҷумҳурии Тоҷикистон барои муҳокимаи таҳлили қонунгузории ҷорӣ вобаста ба гузариш ба пахши рақамӣ мизи мудаввар баргузор намуд.
Дар кори мизи мудаввар 50-нафар намояндагони Маҷлиси Олии Ҷумҳурии Тоҷикистон, ҳукумат, ҷомеаи шаҳрвандӣ, расонаҳо ва созмонҳои байналмилалӣ ширкат варзиданд.
Чунин ташаббус дар асоси дархости Порлумони Тоҷикистон дар робита ба бознигарии қонунгузории ҷорӣ ва таҳияи асосҳои ҳуқуқӣ барои гузариш ба пахши рақамӣ сурат гирифт. Таҳлили ҳуқуқии қонунгузорӣ аз ҷониби коршиносони САҲА тобистони соли ҷорӣ гузаронда шуда буд.
Скотт Кеарин, роҳбари Раёсати андозагирии инсонии Дафтари барномаҳои САҲА дар Душанбе дар сухани ифтитоҳии худ муҳимияти гузариш ба пахши рақамиро қайд карда гуфт: “Гузариш ба пахши рақамӣ – ин на танҳо гузариш аз технологияҳои кӯҳна ба нав аст, балки имконияти муҳимест барои тезонидани ҷараёни баҳамгиройӣ, ки ба тавассути он технологияҳои иттилоотӣ, пахши телевизиону радио ва алоқа метавонанд бо ҳам ҳамкорӣ кунанд. Пахши рақамӣ инчунин барои рушди иқтисод ва тавсеаи имкониятҳои шаҳрвандон шароит фароҳам оварада, барои тамоми ҷомеа воситаҳои нави алоқаро пешниҳод менамояд”.
Олим Салимзода, раиси кумитаи Маҷлиси намояндагони Маҷлиси Олии Ҷумҳурии Тоҷикстон оид ба муносибатҳои байналмиллалӣ, иттиҳодияҳои ҷамъиятӣ ва иттилоот ба САҲА барои дастгирии доимӣ дар такмили қонунгузории кишвар изҳори миннатдорӣ намуд ва аҳамияти омода кардани заминаи эътимодноки ҳуқуқӣ барои гузариш ба пахши рақамиро дарҷ намуд. Ӯ гуфт: «Кумитаи мо дар асоси таҳлили коршиносони САҲА тарҳи қонун оид ба даровардани тағйироту иловаҳо ба қонунгузорӣ дар соҳаи расонаҳо ва дигар қонунҳои дахлдорро то охири соли 2018 таҳия менамояд. Ин тарҳ асоси хуби ҳуқуқӣ барои гузариши пурра ба пахши рақамӣ мувофиқ ба стандартҳо ва принсипҳои САҲА хоҳад гардид”.