Mbështetja për Reformat Zgjedhore në Ballkanin Perëndimor

Zyra e OSBE-së për Institucione Demokratike dhe të Drejtat e Njeriut (ODIHR) është në procesin e zbatimit të Projektit “Mbështetje për reformat zgjedhore në Ballkanin Perëndimor” me qëllim mbështetjen e institucioneve dhe të shoqërisë civile në përpjekjet e tyre për ndjekjen e zbatimit të rekomandimeve për vëzhgimin e zgjedhjeve. Objekti i këtij projekti mbulon disa fusha që lidhen me administrimin e zgjedhjeve, regjistrimin e zgjedhësve, rolin dhe punën e mediave gjatë fushatave zgjedhore, aftësinë e partive dhe të kandidatëve për të bërë fushata lirisht, si dhe kapacitetin dhe pavarësinë e organeve që zgjidhin mosmarrëveshjet zgjedhore.