Skip navigation

0Meta Navigation

× Close search

Navigation

Kreu
Materiale

Misioni i OSBE-së ndihmon Policinë e Kosovës në promovimin e konceptit të sigurisë në komunitet përmes një fushate në rrugë

16 qershor 2023
  • Zyrtarët e Policisë së Kosovës dhe stafi i Komiteteve Lokale për Siguri Publike duke ndërvepruar me fëmijët e shkollave fillore gjatë fushatës së Javës së Sigurisë në Komunitet, Prishtinë, 5 qershor 2023. (OSCE/Leurina Mehmeti)
    Photo details
  • Nxënësit nga shkolla e mesme Mehmet Isai dëgjojnë një zyrtar të Policisë së Kosovës derisa shpjegon rregullat e kuizit, të pasuar nga një diskutim mbi atë që kanë mësuar rreth temave që kanë të bëjnë me të rinjtë, Gjilan, 6 qershor 2023. (OSCE/Migjen Abrashi)
    Photo details
  • Vizitorët duke shfletuar materialet vetëdijesuese, si fletushka dhe broshura gjatë bisedës me rreshterin e Policisë së Kosovës, Boban Simonović. Ferizaj, 7 qershor 2023. (OSCE/Migjen Abrashi)
    Photo details
  • Një vizitor shfleton një broshurë gjatë fushatës së Javës së Sigurisë në Komunitet, Pejë, 8 qershor 2023. (OSCE/Migjen Abrashi)
    Photo details
  • Zyrtarët e Policisë së Kosovës shpërndajnë fletushka dhe broshura për studentët dhe vizitorët gjatë Javës së Sigurisë në Komunitet, Gjakovë, 9 qershor 2023. (OSCE/Migjen Abrashi)
    Photo details
  • Kalimtarët në Mitrovicën Jugore ndalojnë te tenda dhe diskutojnë për materialet e vendosura për fushatën Javës së Sigurisë në Komunitet, Mitrovicë Jugore, 12 qershor 2023. (OSCE/Migjen Abrashi)
    Photo details
  • Kryetarja e Komunës së Graçanicës, Ljiljana Šubarić, viziton fushatën e Javës së Sigurisë në Komunitet, Graçanicë, 13 qershor 2023. (OSCE/Migjen Abrashi)
    Photo details
  • Interpretja e gjuhës së shenjave, Versa Selmani, interpreton kuizet për nxënësit me pengesa në dëgjim të Qendrës Burimore Nënë Tereza, Prizren, 14 qershor 2023. (OSCE/Migjen Abrashi)
    Photo details

Misioni i OSBE-së ka mbështetur Policinë e Kosovës (PK) dhe Komitetet Lokale për Siguri Publike (KLSP-të) në organizimin e fushatës së Javës së Sigurisë në Komunitet në mbarë Kosovën.

Në tendat e vendosura në sheshet kryesore të tetë qyteteve, përfaqësuesit e PK-së dhe KLSP-ve mbajtën diskutime në panele dhe kuize për të rinjtë lidhur me rolet dhe përgjegjësitë e tyre, rëndësinë e bashkëpunimit mes publikut dhe policisë, si dhe angazhimin e banorëve në iniciativat për sigurinë e komunitetit.

Gjithashtu biseduan me vizitorët rreth këtyre temave, duke përfshirë nxënës të shkollave fillore dhe të mesme dhe kalimtarë, si dhe shpërndanë materiale vetëdijesimi mbi sigurinë në trafik, dhunën në familje dhe tema që kanë të bëjnë me të rinjtë.