Siguria në komunitetin tonë - Broshurë informuese mbi policinë në bashkësi në të gjitha rajonet e Policisë së Kosovës

Misioni i OSBE-së në Kosovë merret me ngritjen e kapaciteteve të Policisë së Kosovës dhe forumeve për siguri në bashkësi, si dhe me monitorimin dhe avokimin e zbatimit të Strategjisë dhe Planit të Veprimit për Siguri në Bashkësi. Me qëllim të ngritjes së vetëdijes rreth forumeve të sigurisë në bashkësi, Misioni ka përgatitur botimin e ri të broshurës për sigurinë në komunitet. Broshura vjen me përmbajtje të re e të ilustruar, tregime mbi praktikat më të mira dhe iniciativat e ndërmarra për projektet në komunitet 2013 - 2017, statistika të përditësuara dhe fjalë motivuese të partnerëve nga fusha e sigurisë në bashkësi nga të gjitha rajonet policore, dhe ka për qëllim fuqizimin e partneritetit në mes të policisë dhe publikut në komuna dhe ngritjen e vetëdijes për forumet e sigurisë në komunitet dhe konceptin e policimit në komunitet në mbarë Kosovën.