OSBE dënon fuqishëm tentim vrasjen e gazetarit në Kosovë

PRISHTINË/VJENË, 27 tetor 2014 – Shefi i Misionit të OSBE-së në Kosovë, Ambasadori Jean-Claude Schlumberger, dhe Përfaqësuesja e OSBE-së për Lirinë e Medias, Dunja Mijatovic, e kanë dënuar sot fuqishëm tentim vrasjen e gazetarit të TV Klan Kosova, Milot Hasimja.

“Jam i tronditur dhe i tmerruar nga sulmi i sotëm ndaj Z. Hasimja,” tha Schlumberger. “Gazetarët duhet të jenë të lirë e të sigurt për të kryer punën e tyre, dhe sulmi i sotëm është absolutisht i papranueshëm. U bëj thirrje autoriteteve të drejtësisë që sa më parë të merren me rastin dhe të ndjekin penalisht autorin.”

Z. Hasimja është therur disa herë në kokë dhe në qafë mëngjesin e sotëm në zyrat e TV Klan Kosova. Një storje e Z. Hasimja e transmetuar vite më parë dyshohet të ketë shkaktar i sulmit. Stafi i TV Klan Kosova arriti të ndalojë sulmuesin dhe ta mbajë atë derisa policia doli në vend të ngjarjes.

“Dhuna ndaj gazetarëve është e papranueshme dhe duhet të trajtohet si sulm ndaj mbarë shoqërisë.  Siguria e gazetarëve është e domosdoshme në mënyrë që pjesëtarët e mediave të mund të kryejnë punën e tyre,” tha Mijatovic.

Schlumberger dhe Mijatovic i kanë uruar Z. Hasimja shërim të shpejtë.