Skip navigation

0Meta Navigation

× Close search

Navigation

Башкы Жаңылыктар Жаңылыктар жана пресс-релиздер Премьер-министр Марипов ЕККУнун Бишкектеги Программалык кеңсесинин жетекчиси фон Аркс менен жолугушту
Жаңылыктар

Премьер-министр Марипов ЕККУнун Бишкектеги Программалык кеңсесинин жетекчиси фон Аркс менен жолугушту

1 марта 2021
Премьер-министр Улукбек Марипов (оңдо) Бишкектеги ЕККУнун Программалык кеңсесинин жетекчиси Пьер фон Аркска (солдо) ЕККУ менен Кыргызстан ортосундагы кызматташтыкты чыңдоого кошкон салымы үчүн Кыргыз Республикасынын Өкмөтүнүн Ардактуу грамотасын тапшырды, 2021-жыл 26-февраль (Кыргыз Республикасынын Өкмөтүнүн басма сөз кызматы) (Кыргыз Республикасынын Өкмөтүнүн басма сөз кызматы) Сүрөттү көрүү

26-февралыда 2021-жылы Кыргыз Республикасынын Премьер-министри Улукбек Марипов Бишкектеги ЕККУнун Программалык кеңсесинин башчысы Пьер фон Аркс менен жолугушту.

Жолугушуунун жүрүшүндө тараптар Кыргызстан менен ЕККУнун ортосундагы түрдүү чөйрөлөрдө кызматташууну талкуулашты, анын ичинде келе жаткан шайлоолор, «Ачык өкмөт өнөктөштүгү» демилгеси, санариптештирүү процесстери, мамлекеттик башкарууну реформалоо жана башка маселелер.

Бишкектеги ЕККУнун Программалык кеңсеси Кыргызстандагы бардык үч өлчөм боюнча активдүү иш алып барууда, ал ЕККУнун алдындагы милдеттенмелерин аткарууда жана Кыргызстандын өкмөтүнүн жана элинин муктаждыктарына жооп берүү үчүн кабыл алуучу мамлекетке ар дайым колдоо көрсөтүүгө умтулат. Фон Аркс Уюм Кыргызстандын өкмөтү менен жемиштүү кызматташууну улантууга даяр экенин белгиледи.

Жолугушуунун аягында премьер-министр Марипов  Бишкектеги ЕККУнун Программалык кеңсесинин жетекчиси фон Арксты коопсуздук, саясий жана экономикалык чөйрөдөгү долбоорлорду жана программаларды ишке ашырууга кошкон зор салымы үчүн Кыргызстандын Өкмөтүнүн Ардактуу грамотасы менен сыйлады.