ЕҚЫҰ Қазақстанда ұлттық алдын алу тетігін іске асыру бойынша оқыту семинарларының топтамасын бастауда
Азаптау және қатыгездікті алдын алу ұлттық тетігінің (ҰАТ) мүшелері үшін ҰАТ жұмысының практикалық аспектілері жөніндегі екі күндік оқыту семинары 2016 жылы 6 мамырда ЕҚЫҰ қолдауымен Павлодар қаласында басталды.
Астанадағы ЕҚЫҰ Бағдарламалар офисі мен Қазақстанның Адам құқықтары жөніндегі уәкілі (Омбудсмен) бірлесе отыра және Адам құқықтары жөніндегі БҰҰ Жоғарғы комиссарының аймақтық өкілдігінің қолдауымен ұйымдастырылған екі күндік іс-шара төрт семинарлар топтамасының ішіндегі біріншісі болып табылады. Семинарға мандаттық мекемелерде мониторингті жүзеге асыру кезінде тетік жұмысының құқықтық және тәжірибелік аспектілерін, сондай-ақ негізгі күрделі мәселелерді талқылау үшін Шығыс және Орталық Қазақстанның облыстық ҰАТ топтарының 30-ға жуық мүшесі жиналды.
Ұлттық сарапшылар қатысушыларға алдын барудың жоспарлау жолы, бағалау мен қорытындылар негізіндегі мониторинг нәтижелеріне қатысты баяндамаларды дайындау, бас бостандығынан айыру орындарының әкiмшiлiгiмен өзара іс-қимылды қалай жүргізу, сонымен қатар ҰАТ жұмысының этикалық аспектілері туралы айтады. Ерекше назар ҰАТ аймақтық топтардың қызметіне және тетікті іске асыру туралы жыл сайынғы жинақталған есепті дайындау барысында олардың рөліне аударылатын болады.
Әлеуетті нығайтуға бағытталған екі күндік іс-шара Ақтөбе (Батыс Қазақстан), Алматы және Астана қалаларында өтетін үш оқыту сессияларымен жалғасады. Семинарлар топтамасы қабылдаушы елдегі ҰАТ пен Азаптауларға қарсы БҰҰ Конвенциясына қосымша Факультативтік хаттаманы іске асыруды қолдау үшін ЕҚЫҰ Бағдарламалар офисінің ұзақ мерзімді жұмысының құрамдас бөлігі болып табылады.