Եվրասիական տրանսպորտային կապերը՝ ԵԱՀԿ երևանյան գրասենյակի աջակցությամբ կազմակերպված հանդիպման ուշադրության կենտրոնում
ԵՐԵՎԱՆ, 27 հոլտեմբերի 2016թ. – Տնտեսական կապակցվածության խթանումը և եվրասիական տրանսպորտային կապերի և հաղորդակցության զարգացումը Երևանում ԵԱՀԿ գրասենյակի կողմից՝ ՄԱԿ-ի Եվրոպական տնտեսական հանձնաժողովի (ԵՏՀ) «Եվրասիական տրանսպորտային կապեր» (ԵԱՏԿ) ծրագրի շրջանակներում կազմակերպված երկօրյա հանդիպման ուշադրության կենտրոնում էին:
Միջոցառմանը մասնակցեցին ներկայացուցիչներ պետական կառույցներից, մասնավոր հատվածից, մասնագիտացված տրանսպորտային կազմակերպություններից և փորձագետներ՝ Հայաստանից, Հունաստանից, Իրանից, Լեհաստանից, Ռուսաստանից, Սինգապուրից, Մակեդոնիայի նախկին հարավսլավական հանրապետությունից:
Նրանք քննարկեցին եվրասիական ուղիների ենթակառուցվածքային նախաձեռնություններին և տարանցիկ ծրագրերին վերաբերվող վերջին զարգացումները՝ մասնավորապես «Մետաքսյա ճանապարհ» (The Silk Road) և Հյուսիս-Հարավ ճանապարհային միջանցքի ներդրումային ծրագիրը:
Մասնակիցները քննարկեցին ՄԱԿ-ի ԵՏՀ ԵԱՏԿ ծրագրի երրորդ փուլի հաշվետվության նախագիծը, որը հիմք կհանդիսանա քաղաքականության համակարգման և գործողությունների՝ շահագործելու և տնտեսապես գրավիչ դարձնելու եվրասիական առևտրային և տրանսպորտային ցամաքային կապերը: Մասնակիցները համաձայնեցին, որ մասնավոր-պետական գործընկերություններն ու քաղաքական աջակցությունն անհրաժեշտ են՝ տարածաշրջանային տնտեսական աճի խթանման համար, կայունության և անվտանգության համար՝ իրավական համաձայնագրերի բարեփոխման միջոցով, պարզեցնելով ընթացակարգերը և վերացնելով սահմանափակող կանոնները:
ԵԱՀԿ երևանյան գրասենյակի տնտեսական և բնապահպանական ծրագրի ղեկավարի պաշտոնակատար Դեյվիդ Գուլլետտն ասաց. «ԵԱՀԿ-ն գիտակցում է Եվրասիական տրանսպորտային կապերի ծրագրի կարևորությունը՝ տարածաշրջանում տնտեսական զարգացման և սոցիալական կայունության համար»:
«ՄԱԿ-ի ԵՏՀ-ն նպատակ ունի նպաստել Եվրոպայի և Ասիայի տնտեսական զարգացմանը՝ խթանելով տրանսպորտային և առևտրային կապերը և դարձնելով դրանք տնտեսապես շահավետ», - ասաց ՄԱԿ-ի Եվրոպական տնտեսական հանձնաժողովի Կայուն տրանսպորտային վարչության ներկայացուցիչ Միրոսլավ Յովանովիչը:
ԵԱՀԿ տնտեսական և բնապահպանական հարցերով համակարգողի գրասենյակի տնտեսական հարցերով պատասխանատու Զուխրա Բեկտեպովան ընդգծեց, որ տրանսպորտային և մաքսային ընթացակարգերի և կանոնակարգերի կանխատեսելիությունն ու ներդաշնակեցումը պահանջում է ոչ միայն տեխնիկական «նոու-հաու», այլ նաև քաղաքական կամք և համագործակցություն:
ՀՀ Ազգային ժողովի արտաքին հարաբերությունների մշտական հանձնաժողովի նախագահԱրտակ Զաքարյանը ը կարևորեց տարածաշրջանային տնտեսական ինտեգրումը, որտեղ «եվրասիական տրանսպորտային և արդյունավետ լոգիստիկայի շղթաների կատարելագործումն ու զարգացումը կենսականորեն կարևոր են»:
Միջոցառմանը աջակցել են ԵԱՀԿ տնտեսական և բնապահպանական հարցերի համակարգողի գրասենյակը և Միացյալ Ազգերի Կազմակերպության Եվրոպայի տնտեսական հանձնաժողովը (ՄԱԿ ԵՏՀ):
ԵԱՀԿ-ն տրամադրել է քաղաքական և գործնական աջակցություն ՄԱԿ-ի ԵՏՀ ԵԱՏԿ ծրագրին 2006թ. ի վեր: