САҲА чорабиниҳои варзиширо барои ҷалби ҷавонон ва мусоидат ба ҳамкории ҷомеа ва милитсия дастгирӣ кард
Аз моҳи апрел то сентябри соли 2023 Дафтари барномаҳои САҲА дар Душанбе (Дафтари барномаҳ) Шӯроҳои ҷамъиятии Вазорати корҳои дохилиро дар гузаронидани як қатор ташаббусҳои варзишӣ, озмунҳо ва мусобиқаҳо дастгирӣ намуд. Чорабиниҳо дар 24 ноҳияи вилояти Суғд ва минтақаи Кӯлоби Ҷумҳурии Тоҷикистон баргузор шуда, рӯзи 23 сентябр ба анҷом расиданд.
Зиёда аз 800 нафар, аз чумла мактаббачагон, донишҷӯён, ҷавонон, фаъолони чамъиятӣ, нозирони минтақавии милитсия ба чорабиниҳо ташриф оварданд ва иштирок намуданд. Чорабиниҳои варзишӣ мусобиқаҳои футбол, баскетбол ва волейболро дар бар гирифтанд. Ташаббусҳои дигар мусобиқаҳои шоҳмот ва шашкабозӣ, озмунҳои расми беҳтарин ва шеърхониро дар бар гирифтанд. Аъзои Шӯроҳои ҷамъиятӣ ҳамаи ғолибони озмуну мусобиқаҳоро бо медалу диплом ва тӯҳфаҳои аз ҷониби Дафтари барномаҳо пешниҳодкарда сарфароз гардониданд.
Чорабиниҳо ба баланд бардоштани сатҳи огоҳӣ аз фаъолияти Шӯроҳои ҷамъиятӣ ва тақвияти ҳамкории ҷомеа бо милитсия ҷиҳати таъмини тартиботи ҷамъиятӣ дар навоҳии дахлдори Ҷумҳурии Тоҷикистон равона карда шуданд. САҲА ҷонибдори рушди ҳамкориҳои милитсия бо ҷомеа тавассути ташаббусҳои таҳкими эътимод ва муколама мебошад.